‘… Ka Mahora Ki te Riu Ki Waikato …’
‘He Powhiri …’

Uea, uea
Uea he pou o te whare kia tū tangatanga.
He kapua whakairi nā rātau i Taupiri,
Taku kiri ka tokia e te anu mātāo
Tihei mauri ora, ki te whei ao, ki te ao mārama.
Haere mai, Haere mai, Haere mai.

Haere mai e te Motu
Ka kau tāua i roto o Waikato
Kia mātakitakina tāua
E te tini, e te mano
Miroi e Tane, koakoa e Tane.
Māturuturu haere nei te wai
O te hika o te kuia nei.
Nā raro ana mai
Ko te kōmuri hau,
Nā runga ana mai
Ko Waihihi, ko Waihaha.

Tūruki! Tūruki!
Pāneke! Pāneke!
Haere mai te toki!
Haumi e! Hui e! Tāiki e!

Piki mai, kake mai, haere mai rā, e te Motu,
Haere mai, e ngā hau e whā,

Haere mai, e ngā Waka
Haere mai e te Motu,
Haere mai e te iwi rangatahi,
Ki te rā koroneihana o te Arikinui, a Te Atairangikaahu
a te 23 o ngā rā o Mei, 1973.
Kei taua rā ka whakatakokotoria ae papa o
te Kimikimi hou e tā koutou Mokopuna.
Nā ngā iwi kua mene i whakahua,
Nā te hunga ora i whakatupu
Nā ngā iwi katoa o te Motu i puāwai ai.

Haere mai! Haere mai! Haere mai!’