A Song Of Welcome
to the people gathered here at Turangawaewae
and to the Queen of England

Tena koutou e, e nga iwi e,
Whakarongo mai,
Ki te reo karanga,
Haere mai, haere mai,
E hoa ma e,
Ki runga o Waikato e.
Ko te pukeiahua, Taupiri,
Hakarimata,
Waikato ra ko te awa,
Pokarekare ana e,
Kua riro te whenua,
Ngaro tangata,
E, aue taukiri e.
Apiti hono, tatai hono,
Tatou ko tatou, e hui tahi nei,
Me mihi kau iho,
Tena koutou,
Ko koe, ko ahau nei e.
E tu nei Turongo, Mahinarangi,
Pare Waikato, Pare Hauraki,
Kimikimi e,
Kimiora tenei e karanga nei,
Tomo mai, nau mai, haere mai.
Kuini Irihapeti,
Te mana, te wehi,
O nga motu o paratane
Nau mai, haere mai,
Toro mai o ringa,
Me awhi kau,
Me hongi, u kau ana e.
Tihei mauriora,
Mana Maori motuhake,
Te Paki o Matariki,
Kuini Maori,
Ko taku mana tenei,
Rangimarie, te aroha,
Whakapono e.

na Rangi T. Harrison