Go to National Library of New Zealand Te Puna Mātauranga o Aotearoa Go to Te Ao Hou homepage
No. 73 (July 1973)
– 35 –

What is Education

Hei timatanga atu i ēnei pito kōrero me huri atu aku whakaaro ki te ahuatanga o te take nei mo te reo Māori i roto i ngā kura. Kei te aha rā tēnei take?

He maha ngā pukapuka kua oti te tuhi hei hoa mo ngā kai-whakaako. He maha nōki ngā rekoata mo te reo Māori. Kō ētahi nei kō wā Roka Paora, kō wā Bruce Biggs, me wā Wiremu Ngata hoki. Nā kō tētahi tikanga ināianei, hei āwhina i ngā māhita ko tēnei e kiia nei ki te reo Pākehā, he Teachers' Refresher Course.

Ī tū tētahi kura pēnei ki Waiwhetu marae i te 11 me te 12 o Aperira i te tau 1972.

Kō ngā mea i tirohia e mātou ā i mahia hoki, kō te reo Māori kō te mahi raranga kono, ko te tangotango i ngā kōrari, ko te ako i ngā waiata-a-ringa a tātou a te iwi Māori. (kō Kēri Kaa te kai-whakaako mo tēnei taha) kō te peita pikitia ā ko te kanikani hoki hei whakaahua i ngā whakaaro o te ngākau me te hinengaro.

Tino pai rawa atu tēnei hui o mātou ngā māhita i Pōneke nei. Huihui katoa mātou ki te whai i te mātauranga o te Māori, hei whakatikatika i a mātou ngā kura māhita.

Picture icon

Keri Kaa leads an action song