He Moana

Whakarongo ki te moana
E haruru mai nei.
Titiro iho ki nga ngaru
E papatu mai nei.
E tu, e nga kohatu,
Kia kaha te tu.
Puritia nga ngaru ra.
Pahingia atu ki kona.

Kei konei ahau
Kei tenei taha ou
E tu atu nei.
Ko wai o tatou e hinga wawe
Ko ahau, ko te kohatu nei,
Ko te moana ranei?
Kia kaha to tu e kohatu. e
Puritia atu nga ngaru ra
Kei hinga taua, e.

Kia kaha, e kohatu, e
Kia u!
Aue, kua hinga koe i nga ngaru ra.
Aue, kua hinga au i nga ngaru nei,
Aue, kua mate taua.
Tere haere ana taua
I runga i nga huka o te moana.
Kia ora, e nga moana katoa.
Haere i o haere, ake ake nei.

—Ani Hona