KO TE WHAKARANUI I TE MAORI RAUA KO TE PAKEHA ME TE RIPOATA A TE TUMUAKI O TE TARI MAORI

Kua kite iho ra koutou i etahi pitopito o te Ripoata a Te Tumuaki o Te Tari Maori a Mr Hunn, na reira tera pea e tika noa atu tenei korero katahi ano ki to te rangatahi reo, ka whai “Kipa” hei whakaoreore i te whakaranu i te Maori raua ko te Pakeha, ara ki te whakaranu i te noho a te Maori raua ko te Pakeha, ki te whakaranu i ta raua mahi, ki te whakaranu i nga mea katoa e pa ana ki a raua tahi. Kei te mihi te Motu katoa, Maori Pakeha kua whakaturia a Mr Hunn hei Tumuaki mo Te Tari Maori. I whanui tonu nga korero o tana ripoata kaore he whakatitaha kaore he karo, ahakoa ahua ongaonga etahi o aua korero. Kei ana korero etahi tikanga hou mo nga mahi ahuwhenua me nga mahi whakatikatika i nga taitara whenua Maori. Kei ana korero mo te taka nui o te Maori ki te hara tetahi take nui hei whakaaroarotanga ma te iwi nui tonu, notemea e ki ana ko taua ripoata a Mr Hunn mo ia Pakeha kotahi e taka ana ki te he toru me te hawhe ke Maori e pera ana, pa ana te hinapouri mo tenei ahua. Ahakoa ra ko te mea nui o taua ripoata ko te ngakau tumanako kia whiwhi te iwi ki nga hua papai o te ao Pakeha. Kiki tonu nga nupepa i nga korero mo taua ripoata he whakamihi he whakatupato hoki. Ko etahi korero hohonu na Dr Bruce Biggs te Tumuaki o nga Kaiwhakaako o te reo Maori kei te Whare Wananga o Akarana. E ki ana ko ia i ana korero ki tetahi ropu o te rangatahi i Kaitaia i era atu marama, ko te whakaranu o te Maori raua ko te Pakeha te mutunga, e ki ana ko Te Tumuaki o Te Tari Maori, engari ko te kipa o taua whakaranu me waiho ki te Maori, ko tona maharahara hoki kei riro ma te Pakeha ke e kipa haere. Mehemea ra ka pera ka riro ma te Pakeha ka he. Otira kaore a Mr Hunn i korero pera, ko tana ke me nga ahuatanga o te wa e whakaranu te Maori raua ko te Pakeha i ona ahuatanga katoa.

Kei tenei putanga o Te Ao Hou etahi korero pai mo te whakaranu o te Maori raua ko te Pakeha. Kei Kaikohe tetahi ropu na Takuta Paewai i whakatu hei tohutohu i etahi Maori, kua taka ki nga uauatanga ki te whakapau tika o tenei mea o te moni. Ka nui te pai o nga mahi a taua ropu a kitea ana te ngakau nui o te Pakeha me te Maori ki te awhina tetahi i tetahi me te aha hoki me e puea nui mai o te hunga kei te awhinatia i nga uauatanga moni. Kei te amine te Tari Maori ki tenei tikanga.

So you've got a cold!

An announcement from

THE N.Z. DEPARTMENT OF HEALTH

1. GO TO BED AND REST … for a quicker cure, fewer complications.

2. EAT SIMPLE MEALS — DRINK PLENTY OF LIQUIDS.

3. DON'T BLOW YOUR NOSE LIKE A BUGLE … it forces infection into your ears and sinuses. Hold the bridge of your nose and BLOW GENTLY, keeping nostrils and mouth open.

4. COVER YOUR COUGH OR SNEEZE with a handkerchief or paper tissue.