Go to National Library of New Zealand Te Puna Mātauranga o Aotearoa Go to Te Ao Hou homepage
No. 28 (September 1959)
– 47 –
 
(vii)

Ko Nga Mahi Ahuwhenua a Te Kawanatanga:

Na Ta Apirana Ngata ano tenei kaupapa. He kaupapa tenei kei te whakahaerea e te Kawanatanga. Kaore e whakararurarutia te taitara o te whenua engari kua hanga he ture hei huarahi atu mo nga moni a te Kawanatanga a ana oti nga whakapai ka wariutia te wahanga o enei moni hei whakahokitanga ma te whenua. I te wa kei te ringa o te Kawanatanga aua whenua kaore he mana whakahaere o te hunga no ratou nga whenua.

(viii)

Ko Te Tuku Whenua hei tunga Whare:

No 1938 ka puta tetahi ture e ahei ai te tangata Maori ki te tuku i tetahi wahanga paku o ona paanga ki tetahi atu Maori hei tunga whare mona. Kei te whakamahia nuitia tenei ture ara ia e nga matua kia whai tunga whare ai a ratou tamariki ana moemoe tane moemoe wahine.

Kei te whakamahia katoatia enei ahuatanga e nga Maori whai whenua hei pupuri i te toitutanga o te whenua.

No 1953 ka hanga e Te Paremata Te Ture Mo Nga Mea Maori a whakaae ana nga kaihautu o nga waka ki nga ahuatanga o taua ture. Tena te wa ka mohio whanuitia tona kaupapa whakatikatika i nga taitara o nga whenua Maori. Taria te roanga o enei korero.