Go to National Library of New Zealand Te Puna Mātauranga o Aotearoa Go to Te Ao Hou homepage
No. 22 (April 1958)
– 49 –
EDUCATION IN THE NORTH

Ki Te Etita,

Kua puta i roto i te “Ao Hou” nga korero a Hoterene Keretene mo te matauranga i roto i Ngapuhi. I timatangia mai e ia ana korero ki a Ruatara, a ka kawea e ia tana whakarite i nga wa o Ruatara ki nga kai-whakamaori o naianei. Na kua puta ana korero, rarangi rawa i nga tangata o roto i a Ngapuhi kua whiwhi ki nga tohu o te matauranga. Kanui te whakama: me te mea nei, no Ngapuhi anake te iwi e whiwhi nei ki enei tohu Tokomaha ke atu o etahi atu takiwa. I roto i te rarangi ingoa i tuhia e Keretene. he tokoiti nei no Ngapuh. No Te Aupouri, no Te

Picture icon

Miss Hiria Moffat of Timaru has taken up an acting career with the New Zealand Players. Her first part was in the revue ‘Free and Easy’ late last year. Her rise to professional status followed several years of successful acting with amateur groups in Christchurch and Palmerston North. She also attended a summer drama school at Massey College and was given some coaching in Auckland. Her full name is Margaret Emma Moffat, Hiria being the first name of her grandmother Hiria Tauwhare Barrett, a chieftainess of the South Island.

Rarawa, no era atu karangarangatanga ke te nuinga. Mehemea i ki te kaituhi no te Taitokerau, kahore he whakahe, engari nona i ki no Ngapuhi, kanui te whakahe. I timata mai te Whakapono Karaitiana ki roto i a Ngapuhi. E tika ana kia pera ke noa atu te tokomaha o nga taitamariki o Ngapuhi kia whiwhi ki nga tohu nunui o te matauranga. Ko te minita karaitiana tuatahi, tuarua, tuatoru hoki no Ngati-Raukawa ke. He aha te take i penei ai,

Te whakatauki no Ngapuhi e penei ana: “Ngapuhi kowhao rau”. He aha ra te tikanga o tenei whakatauki, no te Tairawhiti ke tenei whakatauki: “E kore te taewa (riwai) e ki ake, he mangaro a ia”, Ata matakitaki tatou i enei whakatauki!

Hei whakamutunga; ko nga tohu nunui o te matauranga kei Ngati-Porou, kei Te Ati-Awa me era atu iwi. Hoatu te honore ki a ratou. Waihongia tatou a te Taitokerau ma nga iwi e mini, kauaka ma tatou ano!

“Taitokerau” (Putiki)