Go to National Library of New Zealand Te Puna Mātauranga o Aotearoa Go to Te Ao Hou homepage
No. 13 (December 1955)
– 47 –

Why the snail carries his shell with him

KO TE TAKE I MAU HAERE AI TE NGATA I TONA WHARE

Inamata kihai te ngata i mau haere i tona whare ma tona makariri anake. I tetahi ra ka rongo te ngata kei te karangatia he hui ki tetahi wahi tawhiti, ka whakaaro ia ki te haere engari mahue ana tona whare ki te kainga. Ka tae ia ki te wahi o te hui ka rapa he kainga noho mona. Ka patai atu ia ki te titi raua ko te tuatara me kore he wahi watea o to raua whare mona kaore taua tokorua i pai mai ki a ia. Ka patai atu ia ki nga manu me kore noa ia e uru atu ki roto i a ratou kohanga. Ka whakawetiweti mai te katoa o nga manu ki tona tapiapia ka mea mai “Kaore he wahi watea mou” Rapa noa taua ngata he wahi hei moenga mona kihai i kitea ko tona hokinga tena ki te kainga. I a ia e hoki ana ka nguha haere ia “Kore kore rawa atu e noho ka whakarere i toku whare”.