Go to National Library of New Zealand Te Puna Mātauranga o Aotearoa Go to Te Ao Hou homepage
No. 10 (April 1955)
– 43 –
 

ADOPTIONS (Nga Tamariki-whangai)
continued from page 41

whanaunga toto ki taua tamaiti, a tera ranei he papa he whaea ranei ki taua tamaiti. Ko te ota mo te tamaiti-whangai ka whakaetia ki te tokorua, engari ki te tokorua anake kua honoa he tane he wahine. E kore te tangata kau e ahei ki te tono tamaiti-whangai wahine mana, kia tau ra ano te whakaaro o te Kooti ko ia te papa o taua kotiro, a tera atu ranei etahi take tika tonu hei whakawatea i tenei arai, ara, he keehi rongonui.

Kei te tukunga o te tono mo te tamaitiwhangai ka hanga he ripoata ma te Kooti e te Apiha Kai-tiaki Tamariki (engari mo nga keehi ki te Kooti Whenua Maori, e te Apiha Maori Toko i te Ora).

Kaore e whakahaerea te tono i mua o te aroaro o te Kooti, i runga i te ahuatanga o te ture o te Kooti Whenua Maori o mua, engari ko whakahaerea paraewetitia.

Ko tona tikanga, hanga ai e te Kooti he ota tu-a-waenga i te tuatahi, na kei te paunga o te wa e tika ana, katahi ka whakaotia, engari kei te whai mana tonu te Kooti ki te waihanga ota whakamutunga, ahakoa kore ota tu-a-waenga, mehemea e kite ana te Kooti he mea pai tenei, a he take whaitikanga nui.

Na te Pire nei i whakatau te kati a te ture mo te hoatu mo te tango ranei i tetahi whaka aro mo te whakotinga mo te whakaritenga ranei i tetahi ota mo te tamaiti-whangai.

Aut atu i enei paina, kei te taurite tonu te noho o te nuinga o nga tikanga i naia nei, a, ko te mana o te ota mo te tamaiti-whangai he whakatau i te tamaiti ano nei na he tamaiti tuturu ake na nga matua whangai, a, kahore he paanga ki ona ake tino matua, ahakoa whiwhi wira, kore wira ranei.

Engari koa ko te Pakeha, kahore e kiia he Maori mehemea he tamaiti-whangai na te Maori, no te mea, kahore te ota e mana ki te whakarereke i te iwi o te tamaiti, i tona turangawaewae ranei i roto i te iwi.