Mrs P. i te mea kua paahitia ketia te motini.

Tiamana: Kei te tika tonu tau e Miss T. Kei te hiahia ranei koe e Mrs P. ki te whakaari i tetahi atu huarahi e taea ai te riro mai he tauera hou engari i te kore whakapaua o a tatou moni.

Mrs P.: E te tiamana ki toku whakaaro kei te tino hiahiatia he tauera a tera me waiho ki tena mema ki tena mema te whakaaro ki te homai tauera ma te Peka, ahakoa he mea hou he mea tawhito ranei, he mea mahi ranei ki te peke paraoa.

Miss B.: E te tiamana ki te perangia tera e riro ma te mea kotahi ma nga mea ruarua ranei hei homai aua tauera. Kei te tino he nga taputapu o te kitini i te maha noa iho o te tangata e whakamahi ana i aua taputapu, no reira ki toku whakaaro me neketia atu ta tatou titiro mo nga taputapu o te kitini. A no reira ka motini ahau me whakatakoto e ia mema tetahi taputapu mo te kitini engari kaua hei neke atu te wariu i te 3s. 6d.

Mrs P.: Maku hei tautoko.

(I muri tata o tenei ka poraru nga korero o te hui, rereke nga whakaaro o tetahi mema i o tetahi mema. I te mutunga ka motini a Mrs O. kia mutu te taukaikai.)^¶

Mrs O.: E te tiamana, tera he motini kei whakamua i te hui, no reira ka motini ahau kia haerea te motini.

Mrs N.: Maku hei tautoko.

Tiamana: Kua motinitia, kua tautokoria kia haere te motini. Ko nga mea e whakaae, me ki ‘Ae’ … kua whakaaetia. No reira ko tenei te motini. Na Miss M. i motini, na Mrs P. i tautoko ‘Me whakatakoto e ia mema tetahi taputapu mo te kitini engari kaua hei neke atu te wariu i te 3s. 6d.’ Ko nga mea e whakaae ana, me ki ‘Ae’ … kua whakaaetia.

Tiamana: He take ano i tua atu? Heoi tera kei te hiahia ahau ki te whakamohio atu ki a kotuou i a Mr N. i haere mai a ia ki a tatou no te Tari whakaako i nga mea kua kaumatua, a e rua ana pikitia hei whakaatu ki a tatou. Mehemea ka whakapouritia te ruuma a ka timata ia ki te whakaatu i ana pikitia ki a tatou.

(Ka whakaaturia nga pikitia a Mr N. Kua oti ke te whakarite a te tiamana ma Mrs O. nga kupu whakamoemiti a te hui ki a Mr N.)

Mrs O.: E te tiamana kei te hiahia ahau ki te whai kupu whakamoemiti ki a Mr N. mo te taha ki tenei Peka, mo tana haringa mai i enei pikitia tino whai take ki a tatou. Ko te tumanako tera ano ia e haere mai a tetahi au wa.

WHAKARITENGA I TE RA MO TE HU KEI TE HAERE MAI O TE PEKA — TE MUTUNGA O TE HUI.

Tiamana: I mua o te mutunga o te hui he whakamahara atu ano ki a koutou tera ko te hui kei te haere mai e wha wiki mai atu i tenei ra, ara kei te 11 o Oketopa.

Tenei ahau ka whakapuaki, kua mutu te hui.