pai ke tenei ahua i te waiho kia takoto noa iho i roto i nga ringa o te Kai-Tiaki Maori.

Tera ano tetahi whakarite iti kei roto i taua tekiona e whakamana ana i te Kooti mo te ahuatanga ki etahi atu moni mehemea nei he moni kahore ano i kereemetia a kahore hoki i uru ki roto i te rarangi i panuitia. E pa ana tenei, tuatoki, ki nga moni kei pupuritia e te Kai-Tiaki Maori, kahore he whakamarama me utu aua moni, na wai aua moni. He ahua nui tonu nga mea penei no nga tau maha kua mahue noa atu. Ko etahi ahua o aua moni e pa ana ki nga moni iti rawa no nga poraka whenua pehea noa atu te nui o nga tangata e whai take, a i te iti o te moni ma tena, ma tena, he mahi nui rawa te tohatoha. Tera hoki he ahua maha tonu nga mea penei.