e uru ana ki nga wai o Ruawaipu ara ki Waiapu, ki Awatere, ki Karakatuwhero me Wharekahika. I ui atu a Tangihangaroaahau ki a Kaiawa ki te take o tana haere. Ko te whakautu a Kaiawa na te rongo o nga wai a Ruawaipu ia i kawe mai. Ka ki atu na a Tahingaroaahau, ‘Hei aha te ika raumati, e ako i ana ko taku motu e tu mai ra, he whare kai mo nga wa katoa.’ Ko te tapaenga tenei i te motu ki a Kaiawa, ka tapiritia atu ko te tamahine, ko Hotomoori. Ka moe a Kaiawa i a Hotumoori ka puta ki waho ko Ngati-Porou.

Na konei na te moenga o Hotumoori i a Kaiawa i tae ai te rohe potae o Ngati-Porou ki Turanganui awa, ara ki te Toka-a-Taiau kei te wai. Na te pakeha i tukituki kia watea ai te huarahi kaipuke.

Tipare-o-Niu? he pikitanga i te hiwi i te Kautuku, e tata ana ki East Cape.

Kuri-a-Tarawhata, i eke mai a Tarawhata raua ko tana kuri, ko Mohorangi i runga i te waka a Maangarara, ko te utanga o runga, he tuatara, he mokomoko, he teretere. No te auautanga o te kuri ka panga ki te moana, ka pikarikari nga waewae, ka kino te moana, ka totohu te waka. I kau nga ngarara ki te motu, ko te waka i pae ki Okauwharetutu. Kia pakihi te tai ka kitea a Maangarara me ona tangata, he kohatu.

He ana roa kei te tonga o te motu. Ki te ki te tai ka haruru ki roto o te ana, ka kiia ko te kuri a Tarawhata e tau ana.

Te Hore, he wahi taurakitanga koiwi tangata kei runga o te tihi o Otiki. He whare-raiti kei runga o Otiki inaianei.

Kua korerotia e au he wahi nui tonu no te poetry te purakau, te pakiwaitara.