Go to National Library of New Zealand Te Puna Mātauranga o Aotearoa Go to Te Ao Hou homepage
No. 6 (Royal Tour)
– 17 –

HE WHAKA TAE TAE TUHITUHI

HEI TE 5 O NGA ra o te Maehe e tu mai nei ka tukua te paraehe mo te Whakataetae Tuhituhi tuatahi a Te Ao Hou. Na reira e te iwi manaakitia tenei whakaaro o ta tatou pepa.

E rua nga paraehe £10 10s. i te mea kotahi ka tukua ki nga tangata tino marama ta raua na whakatakoto i te tuhi o te korero a kia tae mai aua tuhituhi ki tenei tari a te 1 o nga ra o Pepuere. Kotahi te paraehe mo tetahi tuhituhi reo Maori a kotahi mo te tuhi Pakeha.

Ko nga Tiati mo tenei whakataetae ko Mr W. Parker, ko Mr E. Nepia a ko Miss M. Petricevich.

Kia 2000 ki te 3000 kupu te roa o ia tuhituhi. Ko te kaupapa o te korero me haere i runga i te noho a te Maori i tuawhenua i nga taone ranei a te noho ranei a te Maori i nga ra o na tata ake nei. Kei nga kaituhi te whakaaro me korero purakau noa nga korero me korero tika tonu ranei.

Ko nga korero e whiwhi ki te paraehe ka panuitia ki Te Ao Hou a ka utua nga kaituhi ka whakawhiwhia hoki nga toa o tenei whakataetae ki te tiwhikete honore raua me nga kaituhi o nga ropu penei me to Nga Wahine Maori Toko i te Ora, Ropu whakaakoako mahi mo te hunga pakeke me era atu ropu e raroto a ratou na korero ki nga tiati.

Ko te tumanako ma nga mahi me tenei whakataetae tuhituhi e whakaatu te noho tuturu a te Maori hei matakitaki ma te tangata toena pea tona hua o enei tu mahi.