FOR YOUNGER READERS
SAMI

Ko Hami te ingoa o tetahi Koara Pea e mohio ana au.

He autaia tonu tona rahi, penei pea i te kuri nei. Hei ana mahi ata mahi noa ai ki toku whakaaro e kore ia e taea te akiaki—ahakoa tumataina ki te ahi.

Ana karangatia atu ka ata huri noa mai ka ata heke iho ki raro i te rakau. I a ia e heke iho ana kei te nguha puku haere penei na ‘Ata! Te Tangata he ite tonu te kaika! Kei te pai kei te haere atu au, kati te akiaki i au.’

Ko nga wuuru o taua pea he papango ina te roroa me te matoturu he mahana rawa ona kakahu mo te whenua pera me Ahitereiria. Ko ona whatu momoe ana, a ano te ahua he whatu paua, hei te titiro mai ki te tangata pena tonu te ahua he tumekemeke tana mahi. Ko tona ihu tetahi mea rereke. He penei i te pihuka nei te ahua, he puwhero porangoranga te kara a hei ona taringa kei nga tapa anake nga huruhuru he penei i te hina nei. Ko etahi o nga tuakana me nga taina o Hami he hama o ratou na kara, a ko tetahi na tuahine tata pango tonu engari ko Hami anake ia he papango.

Kaore ona waero i pau pea i te hireretanga i runga rakau.

Hei ona maikuku ina tonu te roroa penei i o te makimaki nei to te kararehe iki rakau tona ahau. He kararehe rata kaingakau hoki ki te tangata kaore ana ngau.

Ko te kai a Hami he rau purukamu. Ata tango marika ai ia i te rau o te purukamu ka ata hongihongi ki te kore e pai ki a ia ka makaia ki raro ka tango he rau ke ano. I etahi wa tango ai a Hami i aua rau ka miti ki te kore e reka ka kikimo ona whatu me te whakakawa ano. Ka kitea e ia te mea e reka ka ata kai ngau atu, ngau atu a i runga tonu i te kai ka moe me te kai e tautau ana ki waho o tona waha.