Go to National Library of New Zealand Te Puna Mātauranga o Aotearoa Go to Te Ao Hou homepage
No. 4 (Autumn 1953)
– 41 –

NGA TITOTITO A TE MAORI

HE WAIATA MO TE RANGATIRA

E hika ma e huia mai tatou,
Katahi nei te mamae ka ata rangona iho
E nanawe ake ana ki te tira kahurangi
Ka horo ra i te whetu, te marama;
Na te aha koe i rutu?
Ko te tapatu e toka i te rangi
Ehara i te ariki, he huia rere hou,
No runga i nga puke;
Kei hea hoki koe,
Kia whakawai mai i te pae o te rangi?
Ka haere o rongo hei homai te aroha,
Ki te whare, hei hurihuri atu i re rahi o te mate,
Haere nui atu ra ki raro o nga muri,
Kia hikoia mai e te maru wahine
Ka pakupaku koa te tai ki te akau,
Ka Maunu ra ia te taniwha i te rua
Ma wai e takiri o rongo i muri nei?
Ma o mana ra, ma te rangi ka tukua ki raro ra e.

Nga Whakamarama

Ko taku waiata tino pirangi tenei; he tau nga kupu, he tau hoki te rangi. E marama ana he tangi mo te rangatira inahoki enei kupu, ‘Ka horo ra ia te whetu, te marama,’ ‘Ka maunu ra ia te taniwha i te rua’, ko tetahi take i tuhia ai e au te tangi nei, kia whakaaturia mai na wai tenei waiata a he tangi mo wai. I ki mai a Mangaone Pewhairangi no Hauraki te waiata nei.

Ee Hika ma e

Kei te he te kupu hika, no Ngati-Porou tenei reo ehara i Hauraki.

He huia rere hou

Kaore e marama enei kupu, ko te ahua he korero pakiwaitara.