Go to National Library of New Zealand Te Puna Mātauranga o Aotearoa Go to Te Ao Hou homepage
No. 1 (Winter 1952)

KO NGA AITUA MOTORORE
KI NGA TAMARIKI

He mea minamina na te tamariki te motorore e akoina ki nga tamariki nohinohi rawa, he wa ano ka kitea e noho ana i rara motorore i te wa e tu noa ana, a i te huarahi ranei. Ko etahi o aua tamariki e kitea e nga kaiarahi, a ko etahi ano kaore e kitea ka tamia mate rawa. Me tupato nga matua nga tuakana me te katoa nooaiho i nga tamariki.

He mea ano ka aitua nga tamariki ki runga motorore na te he o nga whakamaunga o nga tatau, ka puare ka taka aua tamariki ki waho. Ko nga tamariki e noho ana i muri o nga motorore etahi hei te hurihanga i nga koki ka piua aua tamariki ka takataka.

I etahi wa ka oma haere nga tamariki i te taha o te motorore i te wa e haere ana, he aha ranei ka hinga ka tamia e nga wiira mate tonu atu.

Kauaka nga matua e tu i nga taha o nga huarahi korero noa ai, ka kite mai nga tamariki ka konohi mai ki reira hinga ai. He tokomaha nga tamariki nohinohi i aitua i te omanga mai i te whare ki tawahi o te haurahi, he konohi ki nga matua ka tamia e te motowaka.

Kaore he take i tangi ai i te wa kua aitua nga tamariki. He mea kino rawa te aitua o te tamaiti i runga i te wairangi i te whakaaro kore ranei. Kaore he karo. Tiakina a koutou tamariki hei tangata mo apopo.

(Inserted by the Transport Department)